Nuõrttsääʹmkulttuurfoond ođđ halltõs da ođđ äʹššooumaž lie vaʹlljuum

Nuõrttsääʹmkulttuurfoond ođđ halltõs eeʹjjid 2017-2020 noorõõđi vuõss vuâra 24.2.2017 Aanrest. Halltõʹsse koʹlle:
Sanila Tanja, Saaʹmi ouddooumaž
Valkonen Sari, Sääʹm-muʹzeifondd – Sámi Museum
Pekkala Aslak, Aanar kåʹdd
Pietarinen Rauno, Ortodokslaž ceerkavsuåvtõs
Tolonen Siiri, Meäʹcchalltõs
Feodoroff Veikko, Njauddâm vuuʹd saaʹmi siidsååbbar
Feodoroff Erkki, Sääʹmvuuʹd škoouʹlʼjemkõõskõs
Njeäʹllem-Keväjääuʹr saaʹmi siidsåbbar võboršeʹǩǩen juätkk Mari Lappalainen tõn räjja ko ođđ võboršeeʹǩǩ vaʹlljeet siidsåbbrest ǩeâđđa 2017.

Sååbbar mieʹrrii, što Tanja Sanila juätkk saaǥǥtuõʹllʼjeejen. Väärr saaǥǥtuõʹllʼjeejen vaʹlljeeš Veikko Feodoroff. Halltõs vaʹlljii ođđ äʹššoummu, ko ânnʼjõž äʹššooumaž lääʹǧǧast tuâjas pâʹzzlâšttam-mannu looppâst. Neelljas leʹjje ooccâm tuâi da tõi kõõskâst halltõs vaʹlljii määŋgpeällsaž siltteei Mari Korpimäki, kååʹtt leäi alttääm pååʹškortt-kampaanj. Ođđ äʹššooumaž alttad tuâi 3.3.2017 ääʹljeeʹl da son åårr vueiʹnnlõõttâmnalla Sääʹmpõõrtâst neäʹttel 11 da Sääʹmpõõrt risttâmprääʹznǩest sueʹvet 11.3.2017.