Saaʹmi ouddoummuvaalâst kueʹhtt võboršeeʹǩǩ
Võboršiiʹǩǩi piijjmõõžž äiʹǧǧ eeʹjj 2020 saaʹmi ouddoummuvaaʹle leäi 15.7.-15.8. Mieʹrräigga 15.8. čiâss 12.00 mõõneeʹst kuõʹddeš võboršiiʹǩǩi piijjâmäʹššǩiiʹrjid kueʹhtt võboršeeʹǩǩest.
Vaal-luʹvddkåʹdd lij raʹvvjam 15.8. da 19.8. õnnum såbbreʹstes saaʹmi ouddoummuvaali võboršeeʹǩǩi piijjmõõžž. Võboršeʹǩǩen lie Veikko Feodoroff da Hanna-Maaria Kiprianoff.
Vaal-luʹvddkåʹdd tuõđi tueʹjjuum nuõrttsääʹmǩiõl taʹrǩǩummši vuâđald, što kuhttu võboršeeʹǩǩ lie nuõrttsääʹmǩiõl siltteei.
Vaal-luʹvddkååʹdd saaǥǥjååʹđteeʹjen toiʹmmjam Hanna-Maaria Kiprianoff čåuddõõđi vaal-luʹvddkååʹddest 15.8. vaal-luʹvddkååʹdd såbbar ääʹveem õhttvuõđâst.
Saaʹmi ouddoummuvaal ââʹnet pâʹsspeeiʹv 20.9. Vaalin vaʹlljeet saaʹmi ouddoummu poʹdde 1.1.2021 – 31.12.2023.
Jiõnstempääiʹǩ da -ääiʹj
- Keväjäuʹrr: Irja Jefremoff, Nellimintie 1234, čiâss 11.00 – 14.00
- Njauddâm: Nuorti Reindeer, Sevettijärventie 12210, čiâss 11.00 – 14.00
- Njeäʹllem: Nellimin seäʹbrrpõrtt, Siikajärventie 40, čiâss 16.00 – 19.00
- Čeʹvetjäuʹrr: Sääʹmpõrtt, Sevettijärventie 9080, čiâss00 – 19.00
Võboršiiʹǩǩi vaalnââmar
Vaalnââmar 2: Hanna-Maaria Kiprianoff
Vaalnââmar 3: Veikko Feodoroff
Jiõnstemvuõiggâdvuõtt vaalin
Sääʹmlääʹjj 48 § nuuʹbb pääiʹǩ mieʹldd ouddoummuvaalin jiõnstemvuõiggâdvuõttneeʹǩǩ lie Aanar kååʹddest 51 peiʹvved ouddâl vaalpeeiʹv jälsteei tiuʹddvälddsaž sääʹm da sij pieʹllkueiʹm.
Jiõnstemvuõiggâdvuõđ vaalin lij tääʹrǩstemnalla 19.9.2020 räjja:
- Čeʹvetjäuʹrr: Saaʹmi siidsåbbar koontâr, teʹl 040 715 3680
- Njeäʹllem: vaal-luʹvddkååʹdd väärrsaaǥǥjååʹđteei Tauno Haltta, teʹl. 041 317 1849
- Keväjäuʹrr: vaal-luʹvddkåʹddneǩ Irja Jefremoff, teʹl. 040 774 1048
- Keväjäuʹrr: vaal-luʹvddkåʹddneǩ Vladimir Feodoroff, teʹl. 0400 277 850
- vaalpeeiʹv 20.9.2020 vaalpaaiʹǩin