Ǩiõllpieʹzzest škoouʹle -haʹŋǩǩõs

Haʹŋǩǩõs lij puuttâm.

Ǩiõllpieʹzzest škoouʹle – sääʹmpäärnai jiijjâsǩiõllsaž škooulpääʹljes -haʹŋǩǩõs leäi pilotthaʹŋǩǩõs, koon täävtõssân leäi tuärjjeed sääʹmpäärnai da -nuõri ǩiõlʼlaž vuõiggâdvuõđi teâddjummuž di tuärjjeed päärna škooulpälggaz ǩiõllpieʹzzest jiijjâsǩiõllsaž mättʼtõʹsse. Haʹŋǩǩõõzzâst riõuggu kueʹhtt haʹŋǩǩõstuejjla kueiʹmmuʹčteeʹl nõõmtõõzzin. Haʹŋǩǩõsäiʹǧǧ leäi 1.3.2021-23.6.2023.

Haʹŋǩǩõõzzâst õlmstõʹtteš lopprapoort ”Meidän oppikirjat on museossa” Kielipesästä kouluun – kolttasaamelaisten lasten omakielinen koulupolku -hankkeen loppuraportti (Anna-Katariina Feodoroff, 2023). Loppraportt lij lookkâmnalla tåʹlǩ lääddas.

Lääʹddjânnam Kulttuurfondd tuärjjii haʹŋǩǩõõzz.