Antti Pentikäinen 50 eeʹǩǩed
“Meeʹst pukin lij vueiʹtlvažvuõtt vieʹǩǩted nuõrttsaaʹmid sij mooččâs kulttuurâs seillmõõžžâst”, särnn Antti Pentikäinen.
_____________________________________
“Tieʹttep, što nuõrttsääʹm liâ tuõrvvâm jeällmõõžžâs da vuõiggâdvuõđâs jiijjâs dommvuuʹdid saǥstõõleeʹl vaaldšeeʹjivuiʹm juʹn 1500-lååǥǥâst vueʹljeeʹl. Tän nuõrttsääʹm ǩiõlljouʹǩǩe kuulli meera da tõn määddaid da čaaʹʒʒid liâ historia mieʹtt šõddâm leeiǥas åålǥbeällsaž teäddõõzz, koon seuʹrrjõssân nuõrttsaaʹmi mädd lij juâkkõõttâm kooum ânnʼjõžriikk võudda. Sââʹjj nuõrttsaaʹmin lij täujja leämmaž samai vaiggâd, leša kuuitâǥ tät doohhat oummu meer lij oʹnnstam ââʹnned reeʹǧǧes, ääiʹjteʹmes kulttuurääʹrbes da nuõrttsääʹmǩiõlâs jieʹllʼjen še hueʹnmõs aaiʹji čõõđ. Viõkksa tuâj tuejjee čõõđ ääiʹj ǩiõl da kulttuur seillam diõtt Saaʹmi siidsååbbar da Nuõrttsääʹmkulttuurfondd da meeʹst järrsin leʹčči še äiʹǧǧ vieʹǩǩted siʹjjid”, särnn tuʹtǩǩeemprofessor Antti Pentikäinen.
__________________________________
Antti Pentikäinen teâudd kålggmannust 50 eeʹǩǩed ja lij haaʹlääm jäʹrjsted šõddâmpeiʹvvnoorõõzz nuõrttsääʹmkulttuur, õhttsažkååʹdd da nuõrttsääʹmǩiõl nâânummšen. “Haaʹlääm raaveed Lääʹddjânnmest še suåvtummuž kulttuur, koʹst juâkksaž vuäitt konkreettlânji tuʹmmeed tuejjeed mâid-ne alggmeerai šiõǥǥân” särnn Pentikäinen noorõõzz tuâǥǥain.
Šõddâmpeiʹvvnoorõʹsse nårrjam väär ââʹnet alggmeer nuõrttsaaʹmi šiõǥǥtuâjjan tiʹnt-a, što vaarin staanât vuõss-sââʹjest nuõrttsääʹmǩiõllsaž tiõddum seiʹnnkalenteeʹr eettmõõžž ekka 2023 di sääʹmkalenteeʹr ouddnemtuâj. Noorõõzz nuʹbbsâjjsaž tuärjjummuš lij nuõrttsaaʹmi nueʹttšeellmõõžž jeälltummuš sääʹmvuuʹdest.
Pâiʹl 100 eeuʹr sǩiâŋkkâm vuäǯǯa nuõrttsääʹm seiʹnnkalenteeʹr pååʹšt mieʹldd jiõccses kueʹđeeʹl sǩiâŋk saakk-ǩeâdda nõmm- da addrõsteâđas.
Pueʹrmõs späʹsseb sǩiâŋkain!
_____________________________________
Tiill vuäʹmsteei:
Nuõrttsääʹmkulttuurfondd
Tillnââmar:
FI82 5645 0020 0376 10
SWIFT: OKOYFIHH
Uʹccnoorõsnââmar RA/2022/1278
Uʹccnoorõs lij viõǥǥâst 20.9.2022 ääʹljeeʹl kolmm määnpââʹj Lääʹddjânnmest, Ålaand lokku vääʹldkani.
_____________________________________
Lââʹssteâđ:
Antti Pentikäinen
antti@thinkpeacehub.org