Äävsiid -šõddmõš Čeʹvetjääuʹrest

Sueʹvet 6.6.2015 lij väʹlddkååddlaž Äävsiid -peiʹvv. Čeʹvetjäuʹrr še äävad uusees da kåčč tiʹjjid pukid mieʹldd Nuõrttsääʹmkultturfoond ǩieʹssčuäʹjtõõzz da Saaʹmi äʹrbbvuõttpõõrt äävumuʹšše da ǩiõččâd, što mäʹhtt raajât võnnsid Čeʹvetjääuʹr Siid Tuâjjpõõrtâst.

Äävsiid -peeiʹv programm Čeʹvetjääuʹrest

čiâss 10 Nuõrttsääʹmkultturfoond ǩieʹssčuäʹjtõõzz äävumuš da Tuõddri Peeʹrel –lõõst
čõõđtumuš Čeʹvetjääuʹr Siid Tuâjjpõõrtâst. Čuäʹjtõs lij äävai čiâss 16. räjja.
čiâss 11-14 Hääʹsǩâʹttmõš Saaʹmi äʹrbbvuõttpõõrtâst
čiâss 12 Čeʹvetjääuʹr škooulneeʹǩǩi bändd såitt da läull Saaʹmi äʹrbbvuõttpõõrt čuäʹjtemšââʹld âʹlnn. Sij seäʹrre kaʹdreeʹl še.
čiâss 14-16 Čeʹvetjääuʹr Siid Tuâjjpõõrtâst võõnâskuursâst lij tuâjjčuäʹjtõs, koʹst raajât vuõddsin kuårrum võnnâz.

Pueʹtted mieʹldd!