Čeʹvetjääuʹr Tuâjjpõʹrtte lij 1.7.2014 äävuum saaʹmi ǩiõtt-tuâjjčuäʹjtõs
Nuõrttsääʹmkultturfondd reäšš ǩeässa eʹpet ǩiõtt-tuâjjčuäʹjtõõzz Čeʹvetjääuʹr Tuâjjpõʹrtte. Čuäʹjtõs lij äävai påʹrǧǧmannu loopp räjja juõʹǩǩ arggpeeiʹv čiâss 10–16. Čuäʹjtõõzzâst lie čuäʹjtemnalla saaʹmi ǩiõtt-tuâjaid da snimldõõǥǥid. Pääikla ǩiõtt-tuajjlai ǩiõtt-tuâi lie toʹben kaaupšemnalla še.
Tän eeʹjj čuäʹjtõõzzâst ođđ äʹššen lij uʹcc jieʹllkartt-teaʹtter, koʹst vuäitak ǩiiččeed vuäʹmm dokumeentid saaʹmi jieʹllem pirr leʹbe sääʹmǩiõllsaž päärnai prograammid.
Ruäʹvnjaarǥ gååradǩeʹrjjpõõrtâst lij sääʹmkultturčuäʹjtõs še sueiʹnnmannu-påʹrǧǧmannu ääiʹj. Čuäʹjtõõzzâst lie snimldõõǥǥ sääʹmčieʹpp ǩiõtt-tuâjai pirr, saaʹmi jieʹllempirrõõzzâst da kulttuur pirr. Lââʹssen steehlškaapp seʹst lie saʹmi ǩiõtt-tuâi vueiʹnnemnalla. Čuäʹjtõõzz riâššjen lie Nuõrttsääʹmkultturfondd da Ruäʹvnjaarǥ gååradǩeʹrjjpõrtt õõutveäkka.
Kuhttuid čuäʹjtõõzzid piâzzak sizz määustää. Pueʹtted tiõrvân!