Nelljdpeeiʹv Ǩiõtt-tuâjjpodd šõõddi Čieʹppes Seärad sâjja

Tuâjjpõõrtâst alttad Nelljdpeeiʹv Ǩiõtt-tuâjjpodd -nõmmsaž ǩiõtt-tuâjjkruugg. Tät kruugg juätkk oouʹdbuž Čieʹppes Seärad kruuǥǥ tuåimmjummuž. Håʹt neäʹttelpeiʹvv lij jeeʹres, tuåimmjummuš lij seämmanallšem: juõʹǩǩkaž vuäitt pueʹtted nelljdpeeiʹv jeäʹǩǩääi čiâss 17 ääʹljeeʹl Čeʹvetjääuʹr Siid Tuâjjpõʹrtte jiiʹjjes ǩiõtt-tuâjaivuiʹm. Vueiʹttep kaaʹfstõõllâd da mainstõõllâd õõutsââʹjest. Kruugg noorââtt vuõss vuâra nelljdpeeiʹv 9.2.2017. Pueʹtted tiõrvân!