Njauddâmjooǥǥ kueʹllšeeʹllemlooʹvi miõttmõš

Meäʹcchalltõs meâtt Njauddâmjooǥǥ kueʹllšeeʹllemlooʹvid Čeʹvetjääuʹrest 26.5.2020 čiâss 10-14. Vuäitak tiʹllʼjed lååʹv ooudǩiõʹtte Meäʹcchalltõõzz Âʹvvel ääʹššlai kääzzkâʹsttempääiʹǩest teʹlfoonin 020 639 7701 leʹbe neʹttpååʹštin ivalo(at)metsa.fi.

Njauddâmjooǥǥ kueʹllšeeʹllemšeâttmõõžž mieʹldd miõđât looʹvid luõss-šeellmõʹšše sääiʹmivuiʹm piârrjid, kook jälste Čeʹvetjääuʹr da Njauddâm siidin põõššinalla. Saaʹmid šeeʹllemlååʹv lie määuʹstem, jeeʹres šiiʹllʼji säiʹmm- da vuäggamlooʹvin âlgg mäʹhssed.