Sõõʹji vuoʹkrjummuš
Sõõʹji vuoʹkrjummuš
Sääʹmpõrtt da Siid kueʹtt lie Sääʹmkulttuurfoond vuäʹmstem da vaaldšem põõrt Čeʹvetjääuʹrest. Siid kuäʹđ da Sääʹmpõõrt sååbbarlõõnj lij vueiʹtlvaž vuoʹkrjed Sääʹmkulttuurfoondâst.
Vuoʹkrjem-määin
- Säämpõõrt sååbbarlõõnj vuoʹkrjet vuõss-sââʹjest såbbri tuõʹllʼjem, occkaž kursstoiʹmmjummuž da peiʹvvkääzzkõõzz vääras. Õõʹnnʼji âânnmõõzzâst lij vuõss-sââʹjest sååbbarlõnjj. Täʹǩǩ- da ǩeʹttempõõrt lie ââʹnnemnalla pâi tõn peäʹlest, ko toiʹmmjummuž peäʹlest lij päkk. Raukkâp väʹldded tän lokku jeäʹrben teʹl, jõs toiʹmmjummuš šâdd teʹl, ko Sääʹmpõõrt konttâr lie äävai; ǩeʹttempõrtt da täʹǩǩpõrtt lie õhttsaž sââʹj, koon lââʹssen ǩeʹttempõrtt lij Sääʹmpõõrt tuejjlažkååʹdd sosiaal- da poorrâmsââʹj še.
- Pääiklaž õutstõõzz (jm. škooul, õuddpeâmm, paalǥâskååʹdd, liikkeemsieʹbrr) vuäiʹtte ââʹnned Siid kuäʹđ määusteʹmen jiiʹjjes toiʹmmjummuž leʹbe takai šõddmõõžži jäʹrjstem diõtt. Lââʹssen Siid kueʹtt lij še sieʹbrrkådda määustem sieʹbrrkåʹddpõõrt koʹrvveei päiʹǩǩen.
- Sääʹmpõõrt sååbbarlõnjj lij sijddniiʹǩǩi di pääiklaž õutstõõzzi da paalǥâskooʹddi ââʹnnemnalla määusteʹmen.
- Jeeʹres õõʹnnʼjid sõõʹjid vuoʹkrjet hâʹddliist meâldlânji.
- Siid kuäʹđ da Sääʹmpõõrt âlgg vaʹrrjed õõudǩiõʹtte Sääʹmkulttuurfoondâst, kååʹtt vaaldaš Siid kuäʹđ da Sääʹmpõõrt lokkčouddjid. Tõid vuäitt jieʹlled vaʹrrjeʹmen Sääʹmpõõrt sååbbarlõõnj vaʹrrjemǩeeʹrjest da seämmast suåppad čouddji vuäǯǯmest da maacctummšest Sääʹmkulttuurfoond tuejjlaivuiʹm. Sõõʹji vaʹrrjummšest vuäitt kõõččâd še Sääʹmkulttuurfoond tuejjlain teʹlfoon leʹbe foond info-neʹttpååʹšt pääiʹǩ. Tõk, ǩeäk vuäǯǯa ââʹnned sõõʹjid määusteʹmen, âʹlǧǧe še vaʹrrjed sââʹj õõudǩiõʹtte.
- Õõʹnni âʹlǧǧe jääʹǩǩted sõõʹji âânnmõõžž kuõskki vuâkkõõzzid:
Hâʹddlistt
- Sääʹmpõõrt sååbbarlõnjj 20 € / h
- Sååbbarlõõnj vuoʹkrjummšest kuursi vääras suåppap jeeʹrab
- Siid kueʹtt 50 € / peiʹvv siid åålǥpeällsaž õõʹnni da 25 € / peiʹvv pääiklaž privattoummu
Määus Siid kuäʹđ da Sääʹmpõõrt ââʹnnmest määuʹset Sääʹmkulttuurfoʹndde:
Kolttakulttuurisäätiö sr
Y-tobdldõk 2255680-0
Tillnââmar FI58 5641 4220 0433 72
BIC OKOYFIHH
Viiʹttjõs: Kylän kota / Kokoustila + (peiʹvvmieʹrr)
Laasktummšest lij še vueiʹtlvaž suåppad.
Sääʹmkulttuurfondd tuäivat pukid Sääʹmpõõrt da Siid kuäʹđ õõʹnnʼjid tiõrv pueʹttem da hääʹsǩes pooddid mij põõrtin!