Nuõrttsääʹmkultturfondd reäšš raaʹzzivuiʹm päinnamkuursid Čeʹvetjääuʹrest da Njeäʹllmest

Päinnamkuursid ââʹnet čõhččmannust. Kuursin mättʼtõõtât lääiʹji päinnmõõžž pääiklaž raaʹzzivuiʹm, koid käunnʹjep luâđast. Čeʹvetjääuʹr kuurs ââʹnet 9.-11.9. Sääʹmpõõrt reeddast da Njeäʹllem kuurs ââʹnet 2.9. Dääʹrj põõrt kueʹttmääʹrǩest.

Čeʹvetjääuʹr kuʹrsse vääʹldet 20 ooumžed da Njeäʹllem kuʹrsse 10 ooumžed, leâʹša vuäitak pueʹtted pâi ǩiõččâm da mättjem diõtt še. Leʹčči pueʹrr, jõs ǩieʹzz ääiʹj ooudpeäʹlnn kuurs vuäitčiǩ noorâd da košǩǩeed päinnamraaʹzzid. Lääiʹjid vuäitak haʹŋǩǩeed jiõčč, leâʹša vuäitak vuäʹstted tõid kuursâst še. Kurss lij määuʹsteʹm. Tõid kook lie ilʹmmtõõttâm kuʹrsse vuõltteet lââʹzz teâđaid neʹttpååʹšt mieʹldd.

Kuhttuid kuursid õõlǥak iʹlmmtõõttâd sueiʹnnmannu loopp räjja mõõneeʹst. Iʹlmmtõõđ sõrgg, de vuäǯǯak teâđ, što måkam raaʹzzid õõlǥak noorrâd!
Lââʹssteâđ da iʹlmmtõõttmõõžž: info@kolttasaamelaiset.fi