Oođuum Sääʹmpõõrt riistât sueʹvet 11.3.2017

Sääʹmpõõrt teevvam-haʹŋǩǩõs lij ǩiõrggnam tõn räjja, što põõrt vueiʹtet risttâd sueʹvet 11.3.2017.

Metropolitt Elia restt Sääʹmpõõrt mâŋŋa Čeʹvetjääuʹr ceerkvest õnnum liturgii. Liturgii älgg čiâss 10 ääiʹj da risttmõš nuʹtt čiâss 11 ääiʹj. Tõn mâŋŋa kaaʹfstõõllâp da kuullâp lââʹzz Sääʹmpõõrt âânnmõõžžâst da ǩiiččeep oođuum lõõnjid.

Tän lââʹssen leäʹp vuäǯǯam mij Tuõddri Peeʹrel -čuäʹjtõõzz mååusat domoi siõmmna ääiʹj da tõt lij Sääʹmpõõrtâst čuäʹjtemnalla njuhččmannu lââʹǩǩräjja.

Pueʹrmõs äʹššen šõddmõõžžâst lij tõt, što vueiʹttep tobdstõõttâd mij ođđ äʹššooumaž Mari Korpimäkin!

Tââʹvmõs Sääʹmjânnam Leader teäggtam Sääʹmpõõrt teevvam –haʹŋǩǩõõzzâst lij ǩieʹzz da čõõuč 2016 ääiʹj vuåǯǯum valmmša siiʹsǩpeäʹl da Sääʹmpõõrt leäʹt vuäittam vuässas ââʹnned juʹn eeʹjj 2016 čõõuč rääʹjest. Sååbbarlõnnj vuäǯǯai põrttkaauʹnees tän eeʹjj aalǥâst da pääikla õhttõõzz lie vuäittam ââʹnned tõn.

Pueʹtted tiõrvân Sääʹmpõʹrtte čiâss 11.30-14.30!