Sääʹmfiiʹlm – Kolttakino vuõss vuâra Taar peäʹlnn

Njauddâm Sääʹm-muʹzeejast lij sueʹvet 21.2.2015 čiâss 14.00-16.00 (Lääʹdd äiʹǧǧ) Sääʹmfiiʹlmi čuäʹjtõs. Pueʹtted tiõrvan!
Täʹt lij vuõssmõs vuâra ko Sääʹmfiiʹlmid čuäʹjtet Taar peäʹlnn Njauddâm Sääʹm-muʹzeejast. Fiʹlmmen lij «Jogars Folk». Tõt maainâst nuõrttsäʹmmlain, kook jälste Taarrâst da Lääʹddjânnmest. Ivar Enoksen lij raajjâm fiiʹlm eeʹjj 1975. Fiʹlmm ǩiõttʼtââll jäänmõsân Jogar Ivanowitch, kååʹtt leäi mââimõs ååum, kååʹtt mainsti Njauddâm saaʹmi ǩiõl. Fiiʹlm taarrǩiõllsaž vuäʹssin lij rajjum lääʹddǩiõlllsaž õʹhttepiijjmõõžž.

Šõddmõõžžâst kuullâp leeuʹd še. Koumm nuõr Čeʹvetjääuʹr škooulâst puäʹtte miʹjjid leuʹddjed. Sääʹmfiiʹlm ääiʹj lij čuäʹjtemnalla ǩiõtt-tuâjaid da vuäiʹttveʹted kaaʹfstõõllâd še.

Sääʹmfiiʹlmi histoor aaʹlji eeʹjj 2011. Teʹl Nuõrttsääʹmkultturfondd riâšši õõutsââʹjest Sääʹmkulttur pâʹjjel raaji – haŋǩǩõõzzin vuõssmõs Sääʹmfiiʹlm Čeʹvetjääuʹrest. Tät še šõddmõš šâdd õhttsažtuâjast Nuõrttsääʹmkultturfoondin.

Vuejjamvuäʹppõs:
Njauddâm Sääʹm-muʹzei iʹlla äävai võl veerjeʹld, nuʹtt što jie kaunnu nõmmkõõlb. Muʹzeipõrtt lij nuʹtt 500 mettred moostâst, kååʹtt veekk pâʹjjel Njauddâmjooǥǥ E6 cuõkku mieʹldd Bugøyfjord årra, nuʹbb räätktõk vuäʹljsbeälla. Ton kâʹl vuäinak Muʹzei cuõkku âʹlnn.

Lââʹssteâđ:
Hanna-Maaria Kiprianoff
hmki@dvmv.no tlf. + 47 952 163