Saaʹmi Äʹrbbvuõttpõõrt, Nuõrttsääʹmkulttuurfoond da Čeʹvetjääuʹr škooul čõhččpeiʹvv Äʹrbbvuõttpõõrtâst 8.9.2016 čiâss 11.00–14.00

Sääʹm-muʹzei Siida, Nuõrttsääʹmkulttuurfondd da Čeʹvetjääuʹr škooul reäʹšše õõutsââʹjest čõhččpeeiʹv Äʹrbbvuõttpõõrt ǩeʹddmääʹrǩest nelljdpeeiʹv 8.9.

Peeiʹv altteep Nuõrttsääʹmkulttuurfoond riâššâm njuärstemǩeâlbain. Čeʹvetjääuʹr škooul škoolneeʹǩǩin lij kaaʹffpõrtt ǩeʹddmääʹrǩest da čiâss 12.00 pääʹštet leeiʹbid šeellj ǩiuggnest. Ǩeʹddmäärǩest lij võl lâʹppmarkkân, koozz juõʹǩǩkaž vuäitt puʹhtted täʹvvrid kauppšem vääras. Vääʹld kuuitâǥ mieʹldd jiijjâd pååʹrd. Peeiʹv ääiʹj pääiklaž ǩiõttʼtuâjjla Heini Wesslin da Mirva Haataja čuäʹjte vuäʹdd- da peʹssertuâjai raajjmõõžž, škooulneeʹǩǩ säʹrre kaʹdreeʹl da Hanna Maaria Kiprianoff leuʹddai.

Saaʹmi Äʹrbbvuõttpõõrt čuäʹjtõs da ålggmuʹzei čuäʹjte nuõrttsaaʹmi kulttuur da histoor. Čuäʹjtõʹsse lij vuåǯǯum tiuddõõzz, ko mõõnni čõõus šõõddi valmmša seuʹllvõnnâz, mii lij rajjum saaʹmi äʹrbbvuõđlaž tekniikkain vuäʹddsivuiʹm kuäreeʹl. Tän peeiʹv vuäitak suukkâd še täin võnnsin Peuralubblest (Kåʹddlubblest) da kõõjjtõõllâd võnnâz raajjmest Arttu Niemenmaast.

Čõhččpeiʹvv lij Čeʹvetjääuʹrest õhtt mââimõs õhttsaž šõddmõõžžin tän ǩieʹzz. Neäʹttel-looppâst Sääʹmpõõrt reeddast vuäitak ǩiiččeed raaʹzzin päinnummuž Nuõrttsääʹmkulttuurfoond riâššâm kuursâst.

Saaʹmi Äʹrbbvuõttpõrtt lij äävai juõʹǩǩ peeiʹv 25.9. räjja čiâss 10–18. Čuäʹjtõõzz lââʹssen Äʹrbbvuõttpõõrtâst lij smavv muʹzeikaupp.

Pueʹtted tiõrvân!