Sääʹmsuåvtõõzz

Njauddâm da Njeäʹllem-Keväjääuʹr vuuʹdid vaʹlljeet siidsåbbrin sääʹmsuåvtõõzzid koumm eeʹjj tåimmpâjja. Sääʹmsuåvtõõzz ǩiõttʼtâʹlle aaʹššid siidsåbbri tuejjääm linjjõõzzi meâldlânji da tuʹmmje še veiddsõs aaʹššin teʹl, ko äʹšš lij ǩirrsallaš jeät-ǥa tõn ǩiõrggân viikkâd siidsåbbar ǩiõttʼtõõllâmnalla.

Sääʹmlääʹjj 45 § mieʹldd sääʹmsuåvtõõzz valmštâʹlle siidsåbbrin ǩiõttʼtõllum aaʹššid, âʹnne huõl siidsåbbri mieʹrrõõzzi tiuʹddepiijjmõõžžâst da tõi tuâjjan lij uʹvdded ceâlklmid veʹrǧǧniiʹǩǩid saaʹmi jieʹllemvueʹjjid da jieʹllemåårrmõõžžid kuõskki veiddsõs da vuâđđjuurdlaž aaʹššin teʹl, ko äʹšš lij ǩirrsallaš, jeäʹt-ǥa ääʹšš ǩiõrggân viikkâd siiddsåbbar ǩiõttʼtõõllâmnalla. Sääʹmsuåvtõõzz oudde ouʹdde ceâlklmid še jm. puäʒʒ-, šeeʹllem- da kueʹllǩeâmppooccmõõžžin, mäddvuäǯǯamooccmõõžžin di jeeʹres vaʹstteei saaʹmi jieʹllemåårrmõõžžid vuõiʹǧǧest vaikkteei aaʹššin.

Sääʹmsuåvtõõzz ǩiõttʼtâʹlle še jeeʹres saaʹmi äʹrbbvuõđlaž jieʹllemvueʹjjid da jieʹllemåårrmõõžžid di sääʹmǩiõʹlle da -kulttuuʹre vaikkteei aaʹššid.

Kuhttu sääʹmsuåvtõʹsse vaʹlljeet kooum eeǥǥas nellj vuäzzla da kueʹhtt vääʹrrvuäzzla. Vuäzzla da vääʹrrvuäzzla âʹlǧǧe leeʹd tiuddâkksaž siidâst põõššinalla jälsteei sääʹm leʹbe siʹjji pieʹllkueiʹm. Sääʹmsuåvtõõzzi saaǥǥjååʹđteeʹjen tåimm saaʹmi ouddooumaž. Sääʹmsuåvtõõzz vueiʹtte noorrõõttâd õhttsaž såbbra še, koʹst ǩiõttʼtâʹlle saaʹmi õhttsaž aaʹššid.

Sääʹmsuåvtõõzz  pââʹjest 2024-2026