Sääʹmkulttuurfoond da Saaʹmi siidsåbbar tuejjla Njeäʹllmest vuõssaarǥ 2.12.

Sääʹmkulttuurfoond aʹššooumaž Anna-Katariina Feodoroff ja Saaʹmi siidsåbbar piisar Terhi Harju lie Njeäʹllmest Dääʹrj põõrtâst vuõssaarǥ 2.12.2024 čiâss 12.00-15.00 kõõskâst. Čeʹvetjääuʹr Sääʹmpõõrt konttâr jie leäkku teʹl äävai.

Vuäitak pueʹtted kaaunõttâd sijvuiʹm Dääʹrj põʹrtte da saǥstõõllâd šõddmõõžžin, ääiʹjpoddsaž aaʹššin di jurddjin da vuârddmõõžžin Sääʹmkulttuurfoond da Saaʹmi siidsåbbar toiʹmmjummuž kuõskeeʹl. Saaʹmi siidsååbbar oudd še teâđ da vuäʹpstummuž õuddmiârkkân sääʹmlääʹjj meâldlaž veäʹǩǩvuõđi ooccmõʹšše da kueʹllǩiâmppaaʹššin.