Sääʹmkulttuurfoond ođđ halltõs lij alttääm toiʹmmjummšes

Halltõs noorõõđi vuõssmõs vuâra 6.3.2025. Såbbrest ǩiõttʼtõʹlleš ääiʹjpoddsaž aaʹššid, teäʹǧǧââʹnnemčiõʹlǧǧtõõzz da tåimmam-mainnâz eeʹjjest 2024 di vaʹlljeeš halltõʹsse saaǥǥjååʹđteei da väärrsaaǥǥjååʹđteei iiʹjjid 2025–2028. Halltõõzz saaǥǥjååʹđteeʹjen juätkk Heidi Hänninen da väärrsaaǥǥjååʹđteeʹjen saaʹmi ouddooumaž Veikko Feodoroff.

Sääʹmkulttuurfooond neellj eeʹjj piʹštti tåimmpââʹjj puuđi 31.12.2024. Sääʹmkulttuurfoond vuâkkõõzzi 5 § mieʹldd foond aaʹššid håidd da tõn eeʹttkâstt nellj kaʹlndareeǥǥas vaʹlljuum halltõz, koozz koʹlle ååuʹc vuäzzliʹžžed. Uuʹccmõsân vitt vuäzzla âʹlǧǧe leeʹd säʹmmla, kook lie še Lääʹddjânnam meerla.

Halltõõzz vuäzzlaid nõõmte Njauddâm vuuʹd saaʹmi siidsååbbar, Njeäʹllem-Keväjäuʹrr vuuʹd saaʹmi siidsååbbar, Sääʹmteʹǧǧ, Sääʹm-museo – Sääʹm-muʹzeifondd, Sääʹmvuuʹd škooultemkõõskõs, Aanar kåʹdd, Ortodookslaž ceerkav da Meäʹcchalltõs, juõʹǩǩʼkaž õõut vuäzzla. Lââʹzzen ouddooumaž, kååʹtt lij tååimast, kååččât halltõʹsse. Jõs uʹvddum mieʹrräigga mõõneeʹst måtam ij leäkku nõõmtam vuäzzla, halltõs vaʹlljad vuäzzla tõn sâjja.

Halltõs vaʹlljad halltõsniiʹǩǩin saaǥǥjååʹđteei da väärrsaaǥǥjååʹđteei nuʹtt, što saaǥǥjååʹđteeʹjen vaʹlljeet nuõrttsäʹmmla.

Nõõmtummšid Sääʹmkulttuurfoond halltõʹsse leät raukkâm čõhččmannu 2024 loopp räjja mõõneeʹst. Halltõʹsse iiʹjjid 2025–2028 lie nõõmtum:

Hänninen Heidi, Njeäʹllem-Keväjääuʹr vuuʹd saaʹmi siidsååbbar, saaǥǥjååʹđteei
Feodoroff Veikko, Saaʹmi ouddooumaž, väärrsaaǥǥjååʹđteei
Semenoff Jasmin, Njauddâm vuuʹd saaʹmi siidsååbbar
Kiprianoff Maarit, Sääʹmteʹǧǧ
Kiprianoff Pia, Sääʹmvuuʹd škooultemkõõskõs
Ojanlatva Eija, Sääʹm-museo – Sääʹm-muʹzeifondd
Lehtola Minna, Aanar kåʹdd
Harvola Heikki, Ortodookslaž ceerkav
Irene Fofonoff

Meäʹcchalltõs ij nõõmtam eeʹttǩeei Sääʹmkulttuurfoond halltõʹsse pââjas 2025–2028. Sääʹmkulttuurfoond vuâkkõõzzi 5 § da Fonddlääʹjj (Säätiölaki 487/2015) 9 § mom. 2 mieʹldd halltõs tiuddii jiijjad da vaʹlljii vuäzzla Meäʹcchalltõõzz vuäzzla sâjja. Halltõõzz såbbrest 7/2024 halltõs vaʹlljii Irene Fofonoff Sääʹmkulttuurfoond halltõʹsse pââjas 2025–2028.

Halltõs noorõõđi vuõssmõs vuâra 6.3.2025. Såbbrest ǩiõttʼtõʹlleš ääiʹjpoddsaž aaʹššid, teäʹǧǧââʹnnemčiõʹlǧǧtõõzz da tåimmam-mainnâz eeʹjjest 2024 di vaʹlljeeš halltõʹsse saaǥǥjååʹđteei da väärrsaaǥǥjååʹđteei iiʹjjid 2025–2028. Halltõõzz saaǥǥjååʹđteeʹjen juätkk Heidi Hänninen da väärrsaaǥǥjååʹđteeʹjen Veikko Feodoroff.