Siid tuâjjpõrtt äävad uuses 16.11.

Siid tuâjjpõõrt tuåmmjummuš älgg eʹpet vuõssaarǥ 16.11.2015. Nuõrttsääʹmkultturfondd lij vuäǯǯam Tuâjjpõʹrtte vueʹssäiggsaž reâuǥla, tõnnalla što Tuâjjpõrtt lij äävai juõʹǩǩ vuõssaarǥ čiâss 12-16 eeʹjj 2015 loopp räjja. Tän lââʹssen Tuâjjpõõrtâst lie jååʹttmen SAKK kuursid, kook õinn juätkkje jiiʹjjez äiʹǧǧtaauli mieʹldd. Puäʹđ ton še Tuâjjpõʹrtte ǩiõtt-tuâjai tuejjeem da oummui kaaunõõttâm diõtt!