Vuõssaarǥ čiâss 17 noorõõttâp Sääʹmpõʹrtte säämas mainstem diõtt
Čeʹvetjääuʹr Sääʹmpõõrtâst altteeš skamm-mannust eeʹjj 2014 sääʹmǩiõllsaž mainstem poodd – Mainstep säämas. Hanna-Maaria Kiprianoff hohssji, što leʹčči pukid šiõǥǥ, ko sääʹmǩiõl mainsteei da ǩiõl mättʼtõõđi vuäitče noorõõttâd õõutsâjja sääʹmǩiõl mainstem diõtt.
Vuõssarggjeäʹǩǩääi saǥǥstõõlât håʹt måkam aaʹšši pirr, mušttlet vuäʹmm saaʹnid, säʹmmlai jieʹllemvueʹjj dno. Kõõskâst kaafstõõlât da eʹpet mainstumuš juätkkai.
Juõǩǩkaž, kååʹtt haaʹlad mainsted säämas leʹbe mättjed sääʹmǩiõl pueʹrben, vuäitt pueʹtted mieʹldd. Mõõn jäänab oummu õõutsââʹjest, tõn pueʹrab.
Puäʹđ ton še mieʹldd!